-- ADVERTISEMENT --
ROXAS CITY – Nagreklamo sa Roxas City Police Station ang 26-anyos nga negosyante matapos nga nakabakal sang peke nga sigarilyo sa online selling.
Sandig sa ginpabalhag sang tagreklamo nga si Clyde Arcangeles sang Barangay Tanque sining siyudad ginaalegar nga nagbakal ini sang sigarilyo sa wala matumod nga online seller sa balor nga P1,600.
Apang sang ginbuksan niya ang ginpang-order nga sigarilyo, nadiskubrehan sini nga peke ang nasambit nga mga sigarilyo.
Bangud sini, ginpakamaayo na lamang ni Arcangeles nga ipabalhag sa Roxas City Police Station ang natabo.
