Negosyante, nagreklamo sa Roxas City PNP matapos ginpapanaog sang driver sang iya ginasakyan nga multicab

ROXAS CITY – Nagpa-blotter sa Roxas City Police Station ang isa ka negosyante matapos nga ginpapanaog sang driver sang ginasakyan sini nga multicab sa indi balido nga rason.

Ang tagreklamo amo si Rachel Aparri, residente sang Barangay Tanque, Roxas City.

Sandig sa reklamo ni Aparri, sakay siya sang depampasahero nga multicab nga ginamaneho ni Jose Miguel Acebog apang ginhambalan siya nga magpanaog.

Sang iya ginpamangkot ang driver kun ngaman ini ang ginapapanaog, diri kag gintuad sa iya nga iga-prayoridad sang driver ang pasahero nga isa ka foreigner.

Nagpanindugan pa ang babaye nga indi sini kinahanglan magpanaog bangud nauna siya sang sakay apang bangud nagapakatig-a man ang driver, nagpanaog na lamang siya bangud man sa tuman nga kahuya.