ROXAS CITY – Nagpabalhag sa Roxas City Police Station ang isa ka negosyante matapos nga ginaalegar nadula ang cellphone samtang nagapanindahan sa isa ka store sa Roxas Avenue, Roxas City.
Ginkilala ang tagreklamo nga si Josephine Delos Reyes 45-anyos sang Barangay Milibili sining siyudad.
Sandig sa ginpabalhag sang tagreklamo nga samtang nagapanindahan ini ginsulod niya ang cellphone sa iya bag samtang nagapamakal sang iya balaklon.
Apang ulihi na sini nadiparahan nga wala na ang iya nga cellphone sa sulod sang iya bag rason nga ginstekyar sini ang CCTV footage sang amo nga establisyemento.
Nakita sa CCTV footage nga may isa ka wala matumod nga persona ang nagkuha sang iya cellphone sa sulod sang iya bag.
Bangud diri, ginpakamaayo na lamang sang tagreklamo nga ipabalhag sa pulisya ang natabo.
