-- ADVERTISEMENT --
ROXAS CITY – Gindakop ang isa ka negosyante matapos nga narekober ang kapin sa 38 kilos ka mga diwal sa Teodoro Arcenas Trade Center ukon TATC sa Barangay 8, Roxas City.
Ginkilala ang nasambit nga negosyante kay Ramonita Torrez 71-anyos sang Barangay Tanque sining siyudad.
Sandig sa inisyal nga imbestigasyon sang Roxas City PNP nga tuyo kuntani nga ipadala ni Torrez ang isa ka box nga diwal sa Kalibo Aklan apang natukiban sang administrador sang amo nga merkado publiko ang pagbaligya sini.
Bangud diri, gindala sa opisina ni Administrator Helouise Mendoza ang amo nga negosyante kun sa diin ginkumpiskar sini ang iya nga baligya.
