ROXAS CITY – Dakop ang isa ka negosyante sa ginpatigayon nga entrapment operation sang mga katapo sang Criminal Investigation and Dectection Group (CIDG-Capiz) matapos nga ginaalegar nagabaligya sang overpriced nga alcohol sa Magallanes Street, Barangay 2, Roxas City.
Ginkilala ang nadakpan nga si Rowelee Custodio 24-anyos kag tumandok sang Altavas Aklan apang temporaryo nga naga-istar sa nasambit nga lugar.
Base sa inisyal nga imbestigasyon sang mga otoridad nga naga-online selling kag nagabaligya sang overprice nga alcohol ang nasambit nga suspek.
Narekober sa posisyon ni Custodio ang 300 ka mga botelya sang ginaalegar Isopropyl Alcohol kag 70 ka mga printed sticker, P200 nga marked money kag P7,400 nga boodle money.
Sa karon, natalana nga pasakaan sang nagakaigo nga panumbungon ang nasambit nga suspek.
