Negosyante, patay matapos gin-ambush kag ginluthang sa iya salakyan

Patay ang isa ka 53-anyos nga negosyante matapos gin-ambush kag ginluthang sa iya salakyan sa Bayambang, Pangasinan.

Base sa imbestigasyon sang mga otoridad, sakay sa salakyan ang biktima padulong sa iya driving school sang ini ang ginluthang sang duha ka mga suspek nga sakay sa motorsiklo.

Nag-angkon sang igo sang bala ang biktima kag gindeklarar nga dead on arrival suno sa kapulisan.

Nagapanawagan sang hustisya ang utod sang biktima.

Ginapahayag nga gina-review sang kapulisan ang kuha sang CCTV kag nagapatigayon sang backtracking operations agud mahibaluan ang identity sang mga suspek

Suno kay Police Lieutenant Colonel Rommel Bagsic, hepe sang Bayambang Police Station, personal business-related matter ang ila ginalantaw nga motibo sa krimen.