ROXAS CITY – Ginpakamaayo sang isa ka negosyante nga ipabalhag sa mga kapulisan ang pagpapanunto sa iya sang ginpakay-ohan sini sang 24 Karat Gold nga singsing, sa syudad sang Roxas.
Ginkilala ang tagreklamo kay Maricel Equinan, 41-anyos kag residente sang Brgy. Balucuan, Dao, Capiz.
Sandig sa iya ginpabalhag sa Roxas City PNP, nga sang tinalikdan nga Mayo 20, ginpakay-o sini ang nasambit nga singsing kay Bryan Arthur Molato Llave, sa legal nga pang-edaron kag residente sang Sitio Kalubihan, Brgy. Tanque, Roxas City.
Apang, matapos ang isa ka semana, natukiban sini nga nakaprenda na sa isa ka pawnshop ang iya singsing.
Gilayon nga ginkontak ni Equinan si Llave, apang indi na ini makontak kag sirado na ang iya shop sa kilid sang isa ka mall sa San Roque St., sini nga syudad.
