ROXAS CITY – Nagtaas ang benta sang mga negosyante sa Roxas City airport, bangud sa diverted flight gikan sa Iloilo International airport.
Malipayon nga ginkumpirma sa Bombo Radyo Roxas ni Susana Celino, negosyante nga may restaurant sa Roxas City airport nga sumugod sang Sabado nagbukas sila tobtob las 11 sang gab-i, para ma-accomodate ang gutom nga mga pasahero nga na-divert ang flight matapos nag-overshoot ang Cebu Pacific flight 5J461 sa runway sang Iloilo International airport.
Suno kay Celino kadam-an sa mga pasahero nag-oder sang kan-on kag ginsabawan ng isda, arroz caldo kag batchoy.
Aminado ang negosyante nga bisan paano nakabulig ang madamo nga mga pasahero, para magtaas man ang ila nga benta.
Samtang, suno naman kay Mr. Jerry Leonor, driver sang taxi sa Roxas City airport nga wala sang pagtaas sa ila nga ginakita ang pag-alabutan sang mga pasahero gikan sa Iloilo bangud may shuttle bus ang Cebu Pacific nga naga-transpiort sa ila mga pasahero fikan sa Iloilo to Roxas vice versa.
