ROXAS CITY – Nagpalanakit ang nawong sang isa ka banana vendor matapos nga ginbuyayaw kag gintampa sang mag-asawa nga nagabaligya man sang saging sa Teodoro Arcenas Trade Center (TATC).
Ginreklamo sang 47-anyos nga si Delma Palomar Lonzaga sang Passi City sa Roxas City PNP ang mag-asawa nga Gener kag alyas Ala Cargando bangud sa pagsakit sa iya sa merkado publiko.
Ba-se sa alegasyon sang tagreklamo nga nagbakal sang saging si alyas Ala nga nagalab-ot sa 45kilos sa balor nga P35.00 ang kada kilo.
Ulihi na lamang natalupangdan ni Palomar nga kulang ang ginbayad sa iya ni Ala rason nga ginpadulungan sini ang pwesto.
Apang sang iya na ginsukot sa kulang nga bayad si Ala, gin-alegar nga ginbuyayaw siya kag wala pa nakuntento pati ang bana ni Ala nga ginasiling nagatrabaho sadto sa TATC ang nagtampa kag nagpahog sa tagreklamo.
