ROXAS CITY – Padayon ang negosyo kag operasyon sa Teodoro Arcenas Trade Center ukon TATC sa siyudad sang Roxas sa pihak sang ginapangatubang nga Coronavirus Disease 2019 ukon COVID-19 Pandemic.
Ini ang ginpahayag ni Market Administrator Heloise Mendoza sang ma-interview sang Bombo Radyo Roxas.
Suno kay Mendoza nga wala man sang pagnubo sa kita sang mga negosyante kag operasyon sa nasambit nga merkado publiko.
Nahibaluan nga base sa consolidated collection report sang TATC nagnubo ang kita subong nga tuig kun ikumparar sang tinalikdan nga tuig 2019.
Nagnubo suno diri ang kita sang amo nga merkado-publiko sang ginpaidalom sa Enhanced Community Quarantine (ECQ) ang Capiz apang amat-amat man ini nga nagpanumbalik sang gin-downgrade ang quarantine classification sa probinsiya.
Magluwas diri, ginpahayag ni Mendoza nga wala man sila nagapabaya nga mga empleyado sa ila nga obligasyon kag trabaho para sa kaayuhan sang nasambit nga merkado publiko.
