Nagtimbuok ang net income sang Government Service Insurance System ukon GSIS sa una nga quarter sang 2026 matapos nga naglab-ot ini sa P43.6 billion.
Mas mataas ini sang 170% kun ipaanggid sa P16.1 billion net income nga na-record sang ahensya sa amo man nga period sang 2025.
Suno sa GSIS, nagtaas sang 9.16% ang ila kita gikan sa insurance sa P56.6 billion bangud sa mas mataas nga koleksyon gikan sa dugang nga mga miyembro.
Samtang, nagtimbuok man ang investment income sang ahensya halin sa P1.2 billion sang nagligad nga tuig tubtob sa P27.6 billion subong nga tuig bangud sa pagtaas sang equity valuations kag paborable nga foreign exchange movements.
Nagtaas man ang average monthly old-age pension halin sa P17,809 sang 2025 tubtob sa P18,874 subong nga tuig, katumbas sang halos dugang nga P1,000 kada bulan para sa mga retirado nga miyembro.
Naglab-ot sa P2 trillion ang kabug-usan nga assets sang GSIS sa katapusan sang Marso, samtang suno sa ahensya nagapabilin nga mabakod ang ila pundo kag ginalauman nga magadugay tubtob 2058.
