Pormal nga gin-preview ni House Speaker Bojie Dy ang kaundan sang iya Statement of Assets, Liabilities, and Net Worth kahapon nga adlaw.
Base sa record, ginabulubanta nga masobra P74-M ang iya kabug-usan nga manggad ukon net worth.
Gikan sa iya gindeklarar nga SALN, magalab-ot sa P32.53 million ang balor sang iya 12 ka agricultural properties kag apat ka residential lots kag balay.
Ginapakita sang datos nga dose sa ila ang ginbaligya halin sang dekada 90 tubtob 2000 samtang apat ang napanubli sini.
Magluwas sa iya mga real estate, gindeklarar man sang bag-o nga lider sang Kamara ang iya P25.18 million nga cash kag P29.6 million nga investments.
Lakip man sa iya deklarasyon ang iya mga personal assets kaangay sang lima ka mga salakyan nga nagabalor tubtob sa P11.34 million.
Yari ang balor sang personal nga propyedad ni Spekerr Dy, nga kun idugang magalab-ot sa masobra P88,616,261.31;
Cash (25,184,261.31)
Investments – Shares of Stocks (1,600,000.00)
Investment – Shares of Stocks (500,000.00)
Investment redacted (27,500,000.00)
Warehouse Farm Improvement (10,000,000.00)
Ford Transit Minibus 2022 (1,799,000.00)
Toyota LC 76 Series 2021 (2,800,000.000)
Toyota Hilux-FX 2020 (1,043,000.00)
Toyota Alphard Van 2019 (3,600,000.00)
Hi-Ace Super Grandia 2017 (2,100,000.00)
Machines and Equipment Various years (490,000.00)
Kon tingubon ang iya real estate kag personal assets, magalab-ot sa P121.144 million ang iya kabug-usan nga manggad.
Apang gikan sa sini nga kantidad, igabuhin sa sini ang kantidad sang iya mga utang, nga magalab-ot sa P47.124 million, gani ang iya kabug-usan nga manggad magalab-ot lamang sa P74.019 million.
