Ginkalingawan sa karon sang pila ka netizens ang laragway ni American executive producer, DJ Khaled kaupod ang pila ka miyembro sang K-Pop group nga SEVENTEEN nga sanday Woozi, Vernon kag Wingyu.
Ang nasambit nga post ang nakuha sang netizens sa opisyal nga Instagram account ni DJ Khaled sadtong Setyembre 23, 2024 kun sa diin kasubong nga may nagahulat nga proyekto ang K-Pop group nga SEVENTEEN kaupod siya.
“Bless up Stay tuned @saythename_17,” pahayag sa caption ni DJ Khaled.
Kasubong nga nagpatong-patong naman ang entry sang netizens nahanungod sa suksok ni DJ Khaled gikan sa post sang isa ka fan sa X sadtong Setyembre 23, 2024.
“Bakit ‘yung damit ni DJ Khaled parang choco butternut?” pahayag sang fan sa iya nga quote tweet nga may kaupod pa nga litrato sang mismo nga choco butternut.
Naglab-ot na sa 518k views ang nasambit nga quote tweet nga may 20k likes, 2.5k reposts kag 286 quote tweets.
