ROXAS CITY – ‘Never in my wildest dream’.
Ini ang sabat sang punong barangay sang Barangay Poblacion, Dumalag, Capiz kasunod sang pagpasaka sang kaso nga Rape batuk sa iya sa Provincial Prosecutor’s Office bangud sa ginaalegar pagpanghimulos sa ‘school girl’ sang ila pamilya.
Sa exclusive interview sang Bombo Radyo kay Punong Barangay Sebastian Philip Michael Salazar, ginpahayag sini nga sa karon indi pa siya makahatag sang komento natuhoy sa isyu bangud wala pa man ini sang may nabaton nga subpoena sa nasambit nga kaso.
Apisar limitado lamang ang mga pahayag ni Salazar, suno sa iya nga bisan sa damgo indi sini matubsan nga himuslan ang ila ‘school girl’ nga si alyas Inday.
Indi man ini makapat-od kun ano ang motibo sang pamilya sang biktima sa pagpasaka sang kaso batuk sa iya.
Sa karon ginapangabay sang kapitan nga kuntani indi maapektuhan ang iya mga kabataan kag pamilya sa nasambit nga isyu kag ginpasiguro sa mga pumuluyo nga magapadayon siya sa pagpanerbisyo kag indi maapektuhan ang iya trabaho bilang punong barangay.
