ROXAS CITY – Wala pa sang pormal nga anunsyo kun sa diin iga-assign ang bag-o nga gin-promote nga Cardinal sang Santo Papa nga si His Eminence Jose F. Advincula Jr.,
Ini ang ginpahayag sang tagpamaba sang Archdiocese of Capiz nga si Rev. Fr. Jose Arturo Emilio Arbatin sang mainterview sang Bombo Radyo.
Suno kay Arbatin nga kasunod sang pagpili ni Pope Francis kay Advincula laoman na sang kristyanong katilingban nga sa palaabuton magabiya na ini sa probinsya sang Capiz bangud man sa panibag-o nga responsibilidad sa Simbahang Katoliko.
Apang, ginpahayag ni Arbatin nga may yara man sang igapahamtang nga bag-o nga archbishop sa probinsya.
Samtang, magapatigayon naman sang misa si Advincula sa adlaw sang Domingo, Nobyembre 1, 2020.
Balantayan naman sa Bombo Radyo Roxas ang special coverage sang misa nga patigayunon sa pagpanguna sang bag-o nga cardinal sang Santo Papa nga tumandok sang probinsya sang Capiz.
