Nagdeklarar ang Israel partikular na ang Defense Minister sini sang ‘new phase of war’ kadungan sang pagpokus sang ila pwersa sa norte, malapit sa border sini sa Lebanon.
Ini matapos ang 2 ka asud-asud nga pagpalupok sa mga pager kag walkie talkie nga ginagamit sang mga miyembro sang militante nga grupo nga Hezbollah sa Lebanon sadtong Miyerkules kung sa diin nagresulta sang kamatayon sang 22 ka indibidwal kag ginkapilas sang linibo kag iban pa.
Mahibaluan nga ang Isral ang ginpasibangdan sang grupo nga yara sa likod sang mga pagpalupok apang wala pa sang ginapaguha nga pahayag ang panig sang Israel sa nasambit nga akusasyon.
Matandaan una na nga ang Hezbollah kag Israel pila ka dekada na nga may conflict apang mas nangin mainit pa ang pagbayluhanay sang pag-atake sa ilacross-border sumugod sadtong Oktubre sang nakaligad nga tuig sang nagsugod ang giyera sa Gaza kadungan man sang sorpresa nga pagpang-atake sa ila kaalyado nga Hamas batuk sa Israel.
