ROXAS CITY – Ginatudlo nga rason sa madasig nga pabag-o bag-o nga klima sa dako nga bahin sang Estados Unidos amu ang climate change.
Ini ang ginpahayag ni Bombo International Correspondent Greg Aguilar, direkta sa California, USA, sang mainterview sang Bombo Radyo.
Ginkumpirmar sini ang natabo nga pagbaha sa New York City sang Hulyo 18, apang isa lang ini ka adlaw kag madasig man nga naghubas ang tubig, kag sa karon mayorya nga pungsod sa US ang naga-eksperyensiya sang heat wave, kaangay man sa pila ka pungsod sa Europa.
Bangud sa tuman ka init nga panahon, in-demand ang paggamit sang airconditioner sa mga apektado nga lugar, apang ginpahayag ni Aguilar nga nagatanyag ang gobyerno sang US sang cash reward sa mga residente nga indi makapaandar sang ila aircon.
