-- ADVERTISEMENT --
Natalana nga ipaguha sang New York judge sa hush-money case ni US President-elect Donald Trump ang iya desisyon sa masunod nga semana.
Suno kay New York Judge Juan Merchan, nga posible mapasakaan si Trump sang conditional discharge kung sa diin ang kaso mahimo nga mabasura nga wala sang pagkapreso, penalidad ukon probation agud makatambong sang personal ukon virtual para sa hearing.
Nagsugod ang kaso sa pagka-convict kay Trump sadtong Mayo sang 34 felony counts banud sang pagpameke sang business records nga may kaangtanan sa pagbayad niya sang $130,000 kay adult film star Stormy Daniels.
Matandaan una nga gintestingan ni Trump ang kadalag-an sini sa eleksyon agud mabasura ang kaso batuk sa iya.
