Tuman ang kasadya sang mga fans sang New York Knicks matapos makuha sini ang ila una nga kampeonato sa NBA sa sulod sang 53 ka tuig.
Suno kay Ludovico Baqueriza III, International Correspondent sa New York, nagahugyaw kag nagaselebrar ang mga supporters sang Knicks sa nagkalain-lain nga bahin sang siyudad bangud isa ini ka makasaysayan nga kadalag-an para sa tanan.
Nahibaluan nga ginpirdi sang Knicks ang San Antonio Spurs sa Game 5 sang NBA Finals pinaagi sa iskor nga 94-90 agud maselyuhan ang 4-1 nga kadalag-an sa serye kag makuha ang ila una nga titulo nga gihulat halin pa sang 1973.
Nangin bida sang hampang si Jalen Brunson matapos makaiskor sang 45 puntos kag ginhingadlan nga Finals MVP. Ang iya performance amo ang nagbulig sa Knicks nga ma-utod ang isa sa pinakamalawig nga championship drought sa NBA.
Dugang pa sang natungdan, nagahanda na sila para sa victory party bilang isa sa pinakamalapnagon nga selebrasyon sang mga sports fans sa siyudad sa nagligad nga mga dekada.
