Nagpakitang-gilas si Jalen Brunson matapos siya makapuntos sang 33 points para pangunahan ang New York Knicks sa score nga 108-94 nga kadalag-an kontra sa Philadelphia 76ers sa Game 3 sang ila Eastern Conference semifinals series.
Bangud sini, nag-abante na sa 3-0 ang Knicks sa best-of-seven series kag isa na lamang ka kadalag-an ang ila kinahanglan agud maselyuhan ang sweep kontra sa Sixers.
Nagdugang man si Mikal Bridges sang 23 points samtang si Landry Shamet nag-ambag sang 15 points para sa Knicks, bisan wala nakadula si OG Anunoby bangud sang hamstring injury.
Sa bahin sang Sixers, nanguna si Kelly Oubre Jr. nga may 22 points kag si Tyrese Maxey nga may 17 points. Nagbalik naman sa lineup si Joel Embiid matapos malaktan ang Game 2 bangud sang hip kag ankle injuries. Nakatala siya sang 18 points kag tatlo ka blocked shots, apang napirde gihapon ang Philadelphia sa rebounding, 49-33.
Padayon nga nagpakita sang kusog ang Knicks sa serye kag target nila nga tapuson ang matchup sa Game 4 nga pagahimuon liwat sa Philadelphia.
