ROXAS CITY – Arestado ang newly identified drug suspect sa ginkasa nga drug buy bust operation sa gintingub nga pwersa sang mga katapu sang Provincial Drug Enforcement Unit (PDEU) kag Provincial Drug Enforcement Agency (PDEA) nga nagabaligya sang iligal nga droga sa Barangay Lawaan, Roxas City.
Ginkilala ang subject person kay Anthony Victoriano 36-anyos sang
Crossing Jail, Barangay Lawaan sining siyudad.
Suno kay Police Lieutenant Colonel Jullius Balano, pinuno sang PDEU nga narekober sa suspek ang apat tanan ka sachets sang ginapatihan shabu, P2,000 nga marked money, P270 nga personal sini nga kwarta kag mga drug paraphernalia.
Ginpahayag ni Col. Balano nga nadakpan si Victoriano, apang nakapalagyo ang ginaalegar duha ka mga kaupdanan sini sa ginpatigayon nga operasyon.
Hugot naman nga ginpanginwala sang suspek nga sa iya nakuha ang mga narekober nga sachet sang ginapatihan shabu samtang aminado nga nagagamit sang iligal nga droga.
Natalana naman nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang arestado.
