Ginkumpirmar ni football star Neymar nga ang 2026 World Cup ang posible sini ulihi nga hampang.
Nagasalig man ini nga ma-qualify ang Brazil para sa finals sang North America.
Dugang pa sang 32-anyos nga attacker nga iya himuon ang tanan para makasulod ang Brazil.
Matapos ang 12 sang 18 rounds, yara sa pang-lima nga puwesto ang Brazil sa 10-nation group.
Ang nagapanguna nga anom nga pungsod ang sigurado na nga makahampang sa World Cup.
Nagsugod si Neymar sa Brazil sa una nga apat ka qualifying games apang ini ang nag-angkon sang injury sa ila pagkapiyerde sa Uruguay sadtong Oktubre 2023.
Matapos ang isa ka tuig, nagbalik ini sa paghampang sa Saudi club nga Al Hilal kun sa diin duha ka beses ini nga naghampang sadtong Oktubre kag Nobyembre.
Wala man sini ginsambit kun madayon ini nga maghampang sa Saudi Arabia team matapos ang paghampang sini sa Brazil.
