NFA-Capiz ginpasalig nga may supisyente nga pondo sa pagpamakal sang palay sang mga rice farmers

ROXAS CITY – Nagalab-ot sa P19.00 kada kilo sang palay ukon humay ang ginabakal sa karon sang National Food Authority (NFA) sa mga rice farmers.

Ini ang ginpahayag ni  NFA Officer-in-charge Heriel Jumagbas bilang bulig sa mga mangunguma.

Suno kay Jumagbas nga ang ila ginabakal sa kantidad nga P19.00 tagsa ka kilo ang clean and dry palay.

Target man sang talatapan nga magbakal sang 90mil ka sako sang palay sini nga bulan sang Oktubre.

Ginpasiguro pa sang opisyal nga may supisyente nga pondo ang talatapan para sa ila pagbakal sang palay.

Gani lauman sang mga rice farmers ang pagbakal sang ila mga produkto nga palay sang NFA