ROXAS CITY – Nagnubo ang price procurement sang NFA Capiz sa bulan sang Mayo.
Ini ang ginpahayag ni Ms. Cashmere Gemarino, Branch Manager sang NFA Capiz sang mainterview sang Bombo Radyo.
Suno diri nagnubo ang ila procurement sa probinsya tuga sang sang pagbaha kag bagyo sang nakaligad nga tuig kag tuman ang epekto sini sa mga mangunguma.
Dugang sini, madamo na nga grupo sang mga mangunguma ang naghinyo sa ila nga pataasan ang presyo sang palay apang ang support price sang gobyerno para sa palay P19 kag indi ini sila basta maka panubo sang presyo bangud kinahanglan pa ini sang desisyon sang NFA council nga ginakalakipan sang nagkalain lain nga ahensya.
Ginatinguhaan naman sang NFA Capiz nga ipalab-ot sa NFA Council ang ginahinyo nga pagpataas sang palay kag apisar manubo ang price procurement, bastante suno diri ang suplay sang NFA rice.
Nagalaum naman si Gemarino nga mabuligan ang mga mangunguma kag mahatagan sang madamo pa nga programa sang masunod nga administrasyon.
Panugyan sini sa mga mangunguma nga buligan ang ila ahensya pinaagi sang pagpasulod sang suplay sang bugas bangud dako ang mabulig sini sa pumuluyo sat ion sang emerhensya.
