-- ADVERTISEMENT --
Nakagenerate na sang P4.1 million nga kita ang National Food Authority (NFA)-Capiz halin sa pag-auction sang mga rice by-products.
Sa interview sang Bombo Radyo kay Joemar Fajartin, Branch Manager sang NFA – Capiz, iya ginpahayag nga yara sa 224,000 kilos ukon 224 metric tons ang na-dispose nga rice by-products.
Suno kay Fajartin, padayon ang NFA sa pagpatigayon sang public auction sang rice by-products kada duha ka bulan.
Ginpahayag man sini nga ang public auction ang kabahin sang commitment sang NFA sa pagsiguro nga ang mga assets kag resources sang gobyerno ginadumala sang maayo nga may integridad, efficiency kag accountability, kag nagasunod sa nagakaigo nga mga pagsulundan.
