Nagapabilin nga bukas ang magkatuhay nga mga warehouse sang NFA sa Capiz para sa pagbakal sang humay sang mga mangunguma kalakip na diri ang Bolo Warehouse sa Barangay Bolo, Roxas City, Dumalag Warehouse sa Barangay Sta. Cruz, Dumalag kag Sigma Warehouse sa Barangay Mangoso, Sigma, Capiz.
Epektibo sadtong Setyembre 13, 2019, nagsaka na sa 19 pesos kada kilo ang presyo sang pagpamakal sang National Food Authority sang humay.
Suno kay NFA-Capiz officer-in-charge Herrielle JUmagbas, ang bag-o nga buying price para sa uga kag tinlo nga humay ang para sa harvest season kag natalana nga iga-review sa tion nga mapaguwa ang resulta sang NFA-council-commissioned study on buffer stocking.
Mahibaluan nga ang NFA council amo ang decision-making body sang NFA nga ginapamunuan sang Department of Agriculture (DA).
Mahibaluan nga humalin Enero 1 tubtob Setyembre 13, sini nga tuig, ang NFA-Capiz ang naka-procure na sang kabug-usan nga 47, 228 ka mga bags sang uga kag tinlo nga palay.
Nagapabilin nga bukas ang magkatuhay nga mga warehouse sang NFA sa Capiz para sa pagbakal sang humay sang mga mangunguma kalakip na diri ang Bolo Warehouse sa Barangay Bolo, Roxas City, Dumalag Warehouse sa Barangay Sta. Cruz, Dumalag kag Sigma Warehouse sa Barangay Mangoso, Sigma, Capiz.
