-- ADVERTISEMENT --
Ginaduso sang National Food Authority (NFA) nga bag-uhon ang guidelines sang rice auction ukon pagsubasta sang NFA rice.
Luyag sang ahensiya nga aprubahan sang NFC Council ang ila proposal nga panubuan ang subong nga 5,000 bags sa 3,000 bags limit sa mga bulto sang bugas nga igasubasta.
Suno kay NFA Administrator Dr. Larry Lacson, tinutuyo sang proposal nga mas madamo pa nga mga kooperatiba kag retailers ang makapakigbahin sa rice auction.
Gin-athag sang opisyal nga may mga kooperatiba nga nagareklamo sa mataas nga minimum limit bangud indi nila ini malab-ot, dala sang limitado nga financial capacity sang amo nga mga kooperatiba kag asosasyon.
Sa subong, wala pa sang desisyon ang konseho sa amo nga proposal apang ini ang ginduso na sang NFA.
-- ADVERTISEMENT --
