-- ADVERTISEMENT --
Kumpiyansa ang National Food Authority (NFA) nga bastante ang ila supply sang bugas subong nga tig-ululan.
Ginpahayag ni NFA Administrator Larry Lacson nga mas madamo subong nga bugas ang nagasulod sa ila mga bodega ipaanggid sa kon ano ang nagaguwa.
Ang mga buffer stocks yara pa sa 11.5 ka adlaw, gani suno sa iya wala sang dapat kabalak-an.
Ginpahayag man sini nga bastante ang ila buffer stocks para masustener ang mga programa sang gobyerno kaangay sang P20 kada kilo sang bugas para sa mga vulnerable sectors tubtob matapos ang termino ni Presidente Ferdinand Marcos Jr. sa tuig 2028.
