Liwat nga naglunsyar subong nga adlaw Abril 19, 2026 ang “Benteng Bigas Meron Na” program sang National Food Authority (NFA) para sa mga pili nga sector sa Roxas City.
Sa idalom sang programa, mahimo nga makabakal sang bugas sa balor nga P20 kada kilo ang mga kalakip sa mga vulnerable sector bilang bulig sang gobyerno sa ila.
Sa interview sang Bombo Radyo kay Carmelita B. Almontero, isa sa mga nagbakal sang bugas, iya ginpahayag nga dako gid nga bulig para sa ila ang tag-20 kada kilo nga bugas bangud nga mapahaga-hagan ang ila sini nga gastusan ilabi na kag nagapangatubang sa krisis subong ang pungsod.
Suno kay Almontero, kuntani matabo ang amo nga baligyaanay maskin pila lang ka bes sa kada bulan.
Kalakip sa mga mahimo magbakal ang mga senior citizen, solo parent, Persons with Disability (PWD), 4Ps beneficiaries, mga mangunguma, manugpangisda, tricyvle kag jeepney drivers.
