Nag-umpisa pa sang 10th century ang tradisyon nga maka-ilis sang pangalan ang bag-o nga Santo Papa kag ini ang nag-umpisa sa istorya ni St. Peter, ang una nga Santo Papa.
Ginapamangkot sang conclave ang bag-o nga Santo Papa kun ano nga pangalan ang luyag sini nga gamiton antes i-anunsyo sa bilog nga kalibutan ang pag-eleher sa iya.
Matandaan nga sang tuig 2013, ginpili ni the late Jorge Cardinal Bergoglio ang pangalan bilang Pope Francis — nga amo ang nagserbe sa mga pigado kag ginhatagan sang importansya ang camaraderie.
Samtang si Joseph Cardinal Ratzinger naman ang nagpili sang iya pangalan bilang Pope Benedict sa diin ginprayoridad sini ang kalinong kasunod sang World War One.
Suno kay Santa Rita de Cascia Parish Priest Father Aris Sison, masami nga indicator sa direksyon ukon mission ang bag-o nga pangalan sang Santo Papa bilang bag-o nga pinuno sang Roman Catholic Church.
“Doon sa pangalan na pipiliin ng ating bagong Santo Papa, doon pa lang makikita na natin in a way ano yung magiging direksyon ng kanyang papacy,” pahayag ni Sison.
Nagabase ang tradisyon sa istorya ni Simon sa New Testament sa diin gin-islan ang iya pangalan bilang Peter ni Hesus kag ginapatihan nga amo ang naka-establisar sang Catholic Church kag nagserbe nga una nga Santo Papa.
Dugang pa ni Sison, posible nga ang kada cardinal elector ang nakapili ukon may yara na sang ila papal name antes pa man magsulod sa conclave sa diin sila tanan ang kandidato.
Subong nga adlaw natalana ang pagpili sa magabulos nga Santo Papa kay the late Pope Francis.
Kabug-osan nga 133 cardinal electors ang magapili sang bag-o nga Santo Papa.
Ang misa para sa election sang Roman Pontiff ang hiwaton sa Saint Peter’s Basilica sa Vatican City, las 10 sa aga subong nga Myerkules (4PM, PH time).
Si Cardinal Giovanni Battista Re, ang dean sang College of Cardinals, amo ang maga-preside sang Misa.
Samtang ang conclave ang maga-umpisa 4:30PM local time sang Myerkules (10:30PM, PH time).
