Gin-athag sang National Grid Corporation of the Philippines (NGCP) ang pila ka mga rason kun ngaa na- ekperyensyahan ang mga grid alert sa rehiyon.
Sa interview sang Bombo Radyo kay Mr. Reagan Alcantara, Lead Specialist sang National Grid Corporation of the Philippines, iya ginpahayag nga ang grid alert nagakatabo kun kulang ang supply sang kuryente ukon may aberya sa mga transmission line.
Suno kay Alcantara, base sa ila datos, kalabanan sang Red Alert kag Yellow Alert ang nagahalin sa problema sa mga power generation plant, ilabi na kon may gulpi nga shutdown ukon aberya sa mga planta.
Bangud sini, posible nga mag-ekperyensyahan ang rotational brownout sa pila ka mga lugar.
Nagalaom man ang natungdan nga mapasangkad pa ang mga baseload power plant sa nagakaigo nga mga lugar agud masiguro ang padayon kag nga suplay sang kuryente.
