NGCP kag CAPELCO, magatukod sang MVAR Capacitor Bank sa Roxas City

Magatukod ang National Grid Corporation of the Philippines (NGCP) kag Capiz Electric Cooperative, Inc. (CAPELCO) sang MVAR Capacitor Bank sa Roxas City agud mapasangkad ang serbisyo sang kuryente sa probinsya.

Ang MVAR Capacitor Bank ang isa ka equiment nga makabulig sa ngmas maayo kag mas episyente nga pagdaloy sang kuryente sa mga konsumidor.

Suno kay  Engineer Edgar Diaz, General Manager sang CAPELCO, iya ginpahayag nga paagi sa amo nga proyekto, ginalauman sini nga mangin mas mabaskog ang suplay sang kuryente nga sakop sang CAPELCO.

Dugang pa sini, nga makabulig ini sa pagbuhin sang mga boltahe kag sa pagpaayo sang kalidad sang serbisyo sang kuryente.

Ginalauman nga matapos ang proyekto sini nga tuig.