-- ADVERTISEMENT --
Gin-anunsyo sang National Grid Corporation of the Philippines (NGCP) ang pagnubo sang kabilugan nga transmission rate para sa mga konsumidor sini nga bulan.
Sa isa ka advisory, ginpahayag sang NGCP nga ang kabug-usan nga average transmission rate para sa bulan sang Abril nga billing period sang mga distribution utilities kag electric cooperatives subong nga bulan nagnubo sang 8.80%, ukon gikan sa P1.7526 kada kilowatt-hour (kWh) sang Marso pakadto sa P1.5983 kada kWh.
Ginsiling man sang power transmission company nga ang ila transmission wheeling rate, ukon ang bayad para sang kuryente paagi sa transmission grid, nagnubo man sang 14.16% — gikan sa P0.7022 kada kWh sang nagligad nga bulan pakadto sa P0.6028 kada kWh.
