Nagpanagtag sang family food packs ang Department of Social Welfare and Development (DSWD) Eastern Visayas sa masobra 1,100 pamilya ukon halos 4,000 indibidwal nga ginbaha bangud sa matindi nga pag-ulan tuga sang shearline sa banwa sang Arteche, Eastern Samar.
Kabulig sang DSWD-8 ang Municipal Social Welfare and Development Office (MSWDO) kag Municipal Disaster Risk Reduction Management Office (MDRRMO) sa nasambit nga banwa kun sa diin ang kada pamilya ang nakabaton sang FFP.
Ginakaundan ini sang bugas, gatas, kag mga delata.
Nahibaluan nga humalin pa sang nakaligad nga semana ang mga nabatyagan nga pag-ulan sa Eastern Visayas.
Apang pag-athag sang state weather bureau, wala sang nagairal nga bagyo ukon low pressure area (LPA) kag ang shear line kag amihan ang nagatuga sang maulan nga tyempo sa pungsod.
