-- ADVERTISEMENT --
Nangin madinalag-on ang debut ni Jimmy Alapag bilang head coach sang NLEX matapos ginlutos sang Road Warriors ang Macau Black Bears, sa score nga 114-75, sa PBA Season 50 Governors’ Cup sa Ynares Center sa Antipolo City.
Si Import DeQuan Jones ang nagpanguna sa NLEX paagi sa 23 points kag 11 ka rebounds, samtang si Kevin Alas naman ang nagdugang sang 19 points.
Nag-amot man sa opensa sang Road Warriors sanday Ljay Gonzales nga may 13 points, JB Bahio nga may 11 points, kag Schonny Winston nga naka-score sang 10 points.
Bangud sa 39-point nga kadalag-an, ang NLEX nakarekord sang pinakadaku nga kadalag-an sa kasaysayan sang prangkisa kag nakakuha sang ila una nga kadalag-an sa import-laden Group A conference.
