ROXAS CITY – Arestado sang gintingub nga pwersa sang Janiuay Municipal Police Station kag Roxas City PNP ang No. 9 Most Wanted Person sa banwa sang Janiuay, Iloilo matapos nadakpan sa Barangay Dinginan, sining syudad.
Nakahunong na karon sa karsel ang akusado nga si Ronnie Besona sang banwa sang Janiuay matapos ginserbehan sang warrant of arrest bangud sa kaso nga murder.
Ba-se sa report nga nag-ugat ang krimen sa hinubog nga estorya tobtob ginsulod sang suspek ang biktima nga si certain Joel nga nagakatulog sa balay kag ginbuno.
Matapos ang krimen, nagpanago na sa Barangay Dinginan, Roxas City ang suspek sa diin naga-estar ang iya utod nga nakapangasawa sang residente sang Barangay Dinginan.
Nahibaluan nga duha man ka bulan nga ginmonitor sang kapulisan ang akusado tantes ginpatigayon ang operasyon.
