No Collection policy sang DepEd sa mga christmas party liwat ginpahanumdum ni Usec Umali sa mga pampubliko nga buluthuan

ROXAS CITY – Liwat ginpahanumdum ni DepEd Undersecretary for Legislative Affairs Tonisito Umali sa tanan nga mga pampubliko nga eskwelahan nga himoon nga simple kag indi garboso ang pagselebrar sang christmas party sa mga eskwelahan sa bulan sang Disyembre.

Ginhimo ni Usec Umali ang pahayag matapos ginpangunahan ang Regional Roadshow for Public-Private Partnerships in Education sang Department of Education (DepED) sa syudad sang Roxas kahapon.

Suno sa opisyal nga hugot nga ginadumilian sang ahensiya ang magpaamot ukon magkolekta sang alamutan para sa nasambit nga okasyon bangud istrikto nga ginapatuman sa gihapon ang No Collection Policy sang DepEd.