Liwat nga ipatuman sa Mayo 26 ang No Contact Apprehension policy suno sa Metropolitan Manila Development Authority (MMDA).
Ini matapos nga gin-lift sang Korte Suprema ang temporaryo nga restraining orders (TRO) sa NCAP tatlo ka tuig matapos ini ginsuspender sang Korte Suprema sang Agosto 30, 2022.
Suno kay MMDA chairperson Romando Artes, wala sang pagbag-o sa amo nga polisiya kun sa diin ang mga violators ang madakpan nga contactless pinaagi sa nakabutang nga CCTV cameras sa baylo nga physically madakpan sang mga enforcers. Ang mga nagalapas ang padal-an lamang sang mga pahibalo sang paglapas sa ila mga rehistrado nga adress sa datos sang Land Transportation Office (LTO).
Samtang, ginpahanumdom naman sang Korte Suprema nga mahimo lang ipatuman sang MMDA ang NCAP sa mayor nga mga dalanon, partikular sa C5 kag EDSA, apang wala pa diri nalakip ang mga ordinansa nga ginpasar sang mga lokal nga panguluhan.
