Nag-apelar ang duha ka independent contractors nga sanday Jojo Nones kag Richard Cruz nga indi guilty sa kaso nga rape nga ginpasaka sang aktor nga si Sandro Muhlach.
Nagapangatubang sa kaso nga rape by sexual assault sanday Nones kag Cruz.
Gin-file ang mga kaso nga rape kag acts of lasciviousness batuk sa duha sa Pasay courts. Ginapahayag nga natabo ang insidente sa isa ka hotel room sadtong Hulyo sang nakaligad nga tuig.
Gin-akusar ang duha sa Pasay Regional Trial Court Branch 114 kag nag-apelar nga indi guilty sa kaso nga rape, suno sa ila nga abogado nga si Maggie Abraham-Garduque.
Na-arraign ang duha matapos balibaran sang Korte ang ila nga motion to quash.
Suno kay Garduque, ang hearing para sa una nga pagbaton sang ebidensya para sa prosekusyon ang magasugod sa Marso 19.
