North Korea, gindoble ang paghimo sang nuclear missiles

Ginsiguro ni North Korean leader Kim Jong Un, nga pagadoblehon ang trabaho para makahimo sang nuclear weapons nga sarang nga kontrahon ang US kag iban pa nga mga pungsod.

Sa ginpalapta nga laragway sang state media, makita nga isa ka sahi sang intercontinental ballistic missiles nga sarang maglab-ot sa mainland US.

Sa speech sini kadungan sang 76th founding anniversary sang pungsod, ang ginpahayag sini nga nagapangatubang ang mga ini sa katalagman.

Gin-akusahan pa sini ang US nga ginapakusog sang mga ini ang puwersa sa Korean peninsula.

Bangud sini, gindoble sang mga ini ang mga ginahimo nga missiles agud makadungan sa US.

Matandaan nga sang Hulyo, ginkontra sang North Korea ang pirmahan sang US kag South Korea sang defense guidelines.