Northern Samar, gintay-og sang magnitude 5.4 nga linog

NORTHERN SAMAR – Gintay-og sang magnitude 5.4 nga linog ang kadagatan sang Northern Samar kahapon nga adlaw suno sa Philippine Institute of Volcanology and Seismology.

Nagluntad ang linog alas 12:41 kahapon nga adlaw.

Nahamtang ang sentro sang linog 91 km gikan sa banwa sang Mapanas.

Ginabulubanta nga may kadalumon ini nga tubtob 10 km kag ginasiling nga tectonic ang ginhalinan sini.

Nabatyagan ang Intensity II sang mga pumuluyo sa banwa sang Palapag.

Ka-angot sini, wala sang ginreport nga kahalitan gikan sa linog apang ginalauman sa gihapon ang mga aftershocks suno sa Phivolcs.