Napabilin sang NorthPort Batang Pier nga wala pa sang piyerde sa nagapadayon nga 2024 PBA Commissioner’s Cup.
Mahibaluan nga ginlutos sang Batang Pier ang Magnolia Timplados 107-103 sa hampang nga ginhiwat sa Ninoy Aquino Stadium.
Malayo na ang abanse SAng NorthPort sa 13-point sa nabilin nga lima ka minutos sang last quarter apang napanubo ini sang Hotshots.
Pinaagi sa 14-2 run, napanubo sa isa ka puntos sang Magnolia 96-95 tubtob napasulod ni Joshua Munzon ang abanse pinaagi sa four-point kag jumper 102-95.
Sumugod sang makuha ang abanse, wala na ginpabay-an pa sang Batang Pier nga maglagas pa ang Magnolia.
Nagpanguna sa kadalag-an si import Kadeem Jack nga naglista sang 30 points, 11 rebounds samtang may 27 points si Arvin Tolentino.
Nauyang ang nahimo nga 27 points, walo nga rebounds kag walo nga assists ni Jerom Lastimosa para sa Magnolia.
May tatlo na nga daog kag wala pa sang piyerde ang NorthPort samtang ang Magnolia ang may isa ka daog kag duha nga piyerde.
