Bug-os ang suporta sang National Press Club (NPC) sa panawagan ni ACT-CIS Partylist kag House Deputy Majority leader Rep. Erwin Tulfo nga nagaganyat sa Senado nga mag-file sang hagna nga kakason na ang media sa mga testigo sa mga kaso nga may kahilabtanan sa iligal nga droga, bilang kabahin sang inventory team.
Ginpahayag ni NPC President Leonel Abasola nga tion na nga maamiyendaran ang nasambit nga layi bangud man sa katalagman nga tuga sini sa mga miyembro sang media.
Ginpahayag pa sang NPC president nga gintalakay na sang NPC kag iban pa nga stakeholders ang nasambit nga isyu sa isa ka consultative meeting sa Presidential Task Force on Media Security (PTFOMS).
Matandaan nga apisar aprubado na sang Kamara ang pag-amiyendar sa Section 21 sang Republic Act 9165, wala pa man sang na-file sang kasubong nga hagna ang Senado.
