MANILA – Nagapati si National Security Adviser Eduardo Año nga wala sang rason agud bungkagon ang National Task Force to End Local Communist Armed Conflict (NTF-ELCAC).
Suno kay Año, mas makapamaayo nga suportahan pa ang amo nga task force bangud sa mga naangkon sini nga kadalag-an sa kampaniya kontra insurgency kag pagtapna sa mga Local Communist Terrorist Group sa una nga bahin sang 2025.
Ginpabugal ni Año ang madamo nga mga malayo nga barangay nga nalab-ot sang Barangay Development Program nga nagapanguna nga proyekto sang task force. Nahimo suno diri sang grupo nga kaayuhon ang sitwasyon kag ang padayon nga pagdabong sang ekonomiya sa pihak sang anay impluwensya sang mga rebelde nga grupo.
Magluwas pa ini sa kolaborasyon sa Local Amnesty Boards sa diin madamo sang mga rebelde ang naganyat nga magbalik sa sabak sang gobyerno.
Ang mga anay rebelde ang nahatagan man sang mas maayo nga buwas-damlag, nahimo nila nga makaupod liwat ang pamilya, kag makahuman sang mas maayo nga komunidad pinaagi sa intervention sang NTF-ELCAC.
Pahayag sang NSA, nangin instrumento ang nasambit nga task force agud malapit ang gobyerno sa mga anay rebelde, kag maprotektahan ang mga komunidad batuk sa posible nga impluwensya sang mga ini.
