Nagpaandam naman ang National Security Council Assistant Director General Jonathan Malaya sa China batuk sa posible militarisasyon ukon pagtukod sang pasilidad sa Bajo de Masinloc.
Suno kay Malaya, isa ini sa pinaka-ginabantayan nga lugar sa Pilipinas, ilabi na nga may yara gid sang presensya sang mga Chinese ships sa amo nga lugar.
Nagaduhaduha sia nga ang China may posibilidad nga magtukod sing artipisyal nga mga isla sa sini nga reef kag himuon ini nga isa ka militarisado nga sona.
Maathag nga ginpahayag ni Malaya nga ang legal status sang BDM ang kabahin sang teritoryo sang Pilipinas, gani kon himuon ini sang China, isa ini ka paglapas sa “red line” sang Pilipinas kag sigurado nga may nagakaigo nga sabat ukon aksyon ang gobyerno.
Suno sa opisyal sang NSA, handa ang gobyerno sang Pilipinas nga amligan ang ila mga katungdanan kag kinamatarung sa sini nga maritime feature nga yara pa sa sulod sang exclusive economic zone sang pungsod.
Ang Bajo de Masinloc amo ang nagapanguna nga lugar nga pangisdaan sang mga Pilipino, ilabi na ang mga mangingisda nga nagapuyo sa Zambales, isa sa mga probinsya nga malapit sa West Philippine Sea.
