ROXAS CITY-Ginapiyestahan karon sa social media ang isa ka nude video sang isa ka babayi nga pumuluyo sang isa ka barangay sa probinsya sang Capiz.
Sandig sa inisyal nga impormasyon nga nakuha sang Bombo Radyo nga naglawig sa 35 segundos ang nasambit nga video kun sa diin makita ang itsura sang babayi kag ang hublas sini nga lawas sa sulod sang ginapatihan motel ukon lodge
Ginapatihan sa karon sang biktima nga posible ang ex-girlfriend sang iya nga nobyo ang nagpalapta sang nasambit nga video.
Samtang nagdangop naman sa talatapan sang Bombo Radyo ang biktima agud mangayo sang bulig agud mauntat ang paglapta sang nasambit nga video kag madakpan ang nagpalapta sini.
Natalana sa karon nga magapadulong ang biktima sa talatapan sang Criminal Investigations and Detection Group (CIDG – CAPIZ) agud magreklamo.
