Daog ang Orlando Magic matapos nila mapunggan ang mabaskog nga rally sang Detroit Pistons kag magdaog sa score nga 113-105 sa Game 3 sang ila first-round playoff series.
Nanguna sa Magic sanday Paolo Banchero kag Desmond Bane nga pareho nagbuslo sang 25 points. Nagdugang pa si Banchero sang 12 rebounds kag 9 assists, nga halos triple-double ang iya performance. Naghatag man sang dako nga kontribusyon sanday Franz Wagner, Jalen Suggs, kag Wendell Carter Jr. sa kadalag-an sang Orlando.
Sa pihak nga bahin, ginpangunahan ni Cade Cunningham ang Pistons nga may 27 points, lakip ang 12 puntos sa fourth quarter, samtang si Tobias Harris nagdugang sang 23 points. Bisan nakaapas ang Detroit kag halos nagtabla sa katapusan sang duwa, nagresponder ang Magic pinaagi sa decisive nga 9-0 run agod maseguro ang kadalag-an.
Bangud sini nga resulta, nag-angkon ang Orlando sang 2-1 nga lamang sa serye, kag mangin kritikal ang Game 4 nga pagahimuon liwat sa Orlando.
