Ginpakigbahin sang Bureau of Animal Industry (BAI) nga nagnubo na sa 19 ang numero sang mga barangay nga apektado sang African swine fever (ASF) halin sa 27 nga narekord sang Pebrero 11.
Ang mga apektado nga barangay ang makit-an sa 15 ka mga munisipalidad sa Cordillera, Central Visayas, Mimaropa, Central kag Eastern Visayas, Soccsksargen, kag Caraga.
Suno kay BAI Director Christian Daquigan, ginaduso naman sang gobyerno ang Swine Recovery Program, kun sa diin natalana nga ipanagtag ang 32,000 gilts (young female pigs) sa mga nagahupot sang baboy agud mabuligan ang sektor nga makabangon halin sa ASF.
Ginapasangkad man sang ahensiya ang monitoring sa biosecurity system kag ginatulod ang 100% digitalization, kalakip ang online permits kag iban pa nga transaksyon, agud mapaayo ang proseso kag malikawan ang paglapta sang amo nga balatian sa pungsod.
