Naglab-ot na sa 17 ang kaso sang firework-related injuries nga nabalhag sang Department of Health (DOH) halin Disyembre 22 tubtob 23 antes pa man ang selebrasyon sang Paskwa subong nga tuig.
Gin-report sang DOH nga nalista ang amu nga mga kaso gikan sa 62 sentinel hospitals nga ginabantayan sang Department of Health (DOH).
Sa nasambit nga mga kaso, kadama-an ukon 16 diri amu ang mga kalalakinhan nga nagapang-edaron sang 19-anyos panubo samtang ang isa ka babaye nga biktima ang 20-anyos pataas.
Yara sa 15 ukon 88% nga kaso ang tuga sang iligal nga palupok nga kalabanan amu ang boga.
Mas mataas naman ang mga nabiktima sang palupok sa nasambit nga period sang 113% kun ikumparar sa anom nga kaso nga nabalhag sa pareho nga panahon sadtong 2023.
Kaangut sini, liwat nga nagpanugyan ang DOH sa publiko nga likawan ng paggamit sang anuman nga sahi sang palupok kag sa baylo maggamit na lamang sang mga alternatibo nga pampagahod kasubong sang drum, torotot, kag iban pa.
Subong man, dapat bawalan ang mga kabataan sa pagpalupok.
Mahimo naman nga tawagan ang National Emergency hotline sa numero nga 911 at 1555 para sa DOH hotline sa tion nga magakinahanglan sang bulig.
