Padayon ang pagtaas sang numero sang mga Filipino nga nagapadulong sa iban nga pungsod para makatrabaho.
Base sa pagbulubanta sang Philippine Statistics Authority (PSA) nga sadtong nakaligad nga tuig lamang, may yara sang 2.16 milyon nga mga overseas Filipino workers (OFW).
Mas mataas ini sadtong 2022 nga may yara sang estimate nga 1.96-milyon.
Ang nasambit nga survey ang ginpatigayon sang PSA halin Abril tubtob Setyembre 2023.
May pinakadako diri amo ang overseas contract workers nga naglab-ot sa 98 percent ukon kabaylo sang 2.12 milyon nga mas mataas sadtong mga nakaligad nga tuig.
Ang nasambit nga numero ang nagresulta sa pagtaas sang remittance nga nabaton sang gobyerno halin sa mga OFW nga nagsaka sang 20.8 percent ukon kabaylo sang P238.63 bilyon kun ikumparar sa P197.47-B sadtong 2022.
